АНАЛИЗА НА СТАВОВИТЕ НА ПОТРОШУВАЧИТЕ СО РАЗЛИЧНИ ДЕМОГРАФСКИ КАРАКТЕРИСТИКИ ВО ОДНОС НА КАРТИЧКИТЕ ЗА ЛОЈАЛНОСТ

Abstract

Постоењето на се поголем број на малопродажни објекти за производи за широка потрошувачка го зголеми значењето на картичките за лојалност кои допринесуваат за поголемо задоволство на потрошувачите. Во периоди на изразена конкуренција и зголемени очекувања на потрошувачите, малопродажните објекти се заинтересирани за задржување на постоечките потрошувачи. Ефектот од картичките за лојалност e модериран од карактеристиките на потрошувачите, и се очекува да има соодветно влијание во однос на бројот на посети и трошењата во малопродажните објекти. Целта на трудот е да се детерминираат статистички значајните разлики кај потрошувачите со различни демографски карактеристики во однос на ставовите за прифатеноста на картичките за лојалност. Kruskal – Wallis тестот покажа статистички значајни разлики во однос на ставовите на потрошувачите за прифатеноста на картичките за лојалноста кај полот, возраста и приходите на испитаниците. Соодветно имплемтирање на потребите на целните групи може да допринесе за поголемо задоволство од користењето на картичките за лојалност од страна на потрошувачите..