„Предизвици на мултилатералниот трговски систем“

Abstract

Во трудот се објаснети главните предизвици со кои се соочува мултилатералниот трговски систем олицетворен во работата и функционирањето на Светската трговска организација. По дваесет и пет години од нејзиното основање, организацијата се соочува со сериозни предизвици што го загрозуваат нејзиното нормално функционирање, а го доведуваат во опасност и нејзиното постоење. Двата главни предизвици со кои се соочува организацијата се изразениот протекционизам во меѓународната трговија и опасноста од (не)функционирањето на Апелациското тело како составен дел на Механизмот на СТО за решавање трговски спорови. Трудот има за цел да воочи на сериозноста на овие предизвици за кои доколку не се преземат мерки во најскоро време може да имаат несогледливи последици врз меѓународната трговија воопшто, но и врз трговската политика на нашата земја и нашите трговски партнери.