Говорот на с. Брајчино, Преспанско (врз материјалот на 'Зборовник по брајчински' на Мето Јовановски)

Abstract

Целта на овој труд е да направи опис на говорот на с. Брајчино, Преспанско, имајќи го предвид постојниот во Дијалектологијата на македонскиот јазик од Божидар Видоески. Како корпус од кој ќе се врши ексцерпцијата се наметна едно несекојдневно дело, Зборовникот по брајчински на Мето Јовановски, кој, иако замислен како речник на специфични брајчински зборови, во себе содржи запишани и низа приказни, дијалози и секојдневни случки на брајчинци, кои се илустрација за секој од зборовите. Преку описот врз основа на овој материјал се потврдува и се проширува она што е досега познато во македонската дијалектолошка наука.