Согледување на функционирањето на Едношалтерскиот систем на Царинската управа на РМ (ЕКСИМ-EXIM)

Abstract

Во трудот е објаснета променетата улога на Царинската администрација во XXI вел и нејзината улога во проверката на стоките при преминот на царинското подрачје со истовремено овозможување на заштита на економијата и безбедност на потрошувачите. Фокусот на трудот е да се објасни спроведувањето на едношалтерскиот електронски систем за издавање увозни, извозни и транзитни дозволи (ЕКСИМ) од правен, организациски и управувачки аспект. Потоа, во трудот направена е анализа од неколку истражувања, направени за согледување на ефикасноста од функционирањето на ЕКСИМ-от и неговото влијание врз олеснувањето на трговијата, со ставање акцент на согледаните проблеми и недоследности во неговата примена. На крајот на трудот, нагласена е значајната и клучната улога на Царинската управа на Република Македонија во понатамошно зачувување на одржливоста и успешното функцинирање на едношалтерскиот систем во насока на олеснување на трговијата.