Дијалогот на идеологемите во романот „Браќа Карамазови“ од Фјодор М. Достоевски

Abstract

Текстот се занимава со истражувањето на специфичностите на идеологемата како единица во рамките на уметничкиот свет и нејзиниот статус во романот Браќа Карамазови од Ф. М. Достоевски. Во анализите на Михаил Бахтин, Павел Медведев, Јулија Кристева, Фредрик Џејмсон и др., идеологемата се промислува како транспонирање на општествено-културниот контекст во светот на делото (или тоа е сфатено како еден вид идеолошки чин), осветлувајќи ги дискретните релации во дадената сфера, но и во творечкиот процес на создавањето на текстот. Анализата на романот на Достоевски се осврнува кон диференцирање на трите клучни идеологеми – преобразбата „од симбол во знак“, таткоубиството и теизмот/атеизмот, кои покажуваат како содејството на различните елементи овозможува делото да прерасне во врвно уметничко обликување.