"Long run relationship between imports and exports in Republic of Macedonia: Applied cointegration and error correction model”

Abstract

Во овој труд се тестира долгорочната врска меѓу увозот и извозот во Република Македонија. Потврдувањето на долгорочната врска меѓу увозот и извозот укажува на стабилност на надворешната трговија на една земја и одржливост на дефицитот од тековната сметка. Долгорочната врска укажува и на макроекономска политика која е ефективна во својата цел да го постави увозот и извозот во состојба на долгорочна рамнотежа. Во истражувањето се користат месечни податоци за периодот јануари 2004 година до јуни 2013 година. Методологијата на истражување опфаќа тестирање за стационарност на временските серии, тестови за утврдување на должината на временските доцнења, тестирање за условеност по Грејнџер, Јохансенов тест за коинтеграција и модел со корекција на грешка. Истражувањето потврди постоење на условеност по Грејнџер, во насока извозот го условува увозот, како и постоење на една коинтеграциска равенка, односно долгорочен коинтеграциски однос.Моделот со корекција на грешка потврди краткорочна и долгорочна условеност меѓу увозот како зависна променлива и извозот како независна променлива.