Методички модели за развој на математичките компетенции

Abstract

Општиот развој на човекот е имплицитен еквивалент на развојот на сите научни дисциплини кои го чинат интердисциплинарниот збир на науки. Нивните интеркорелатив- ни односи и релации се испреплетени и се проверуваат низ научната теорија и практика. Нити една научна дисциплина во својот развој не останува само на елаборација на сопствените теоретски основи. Таа постојана трага по научна верификација на своите концепти, теории и модели. Вистинското место за верификација на сите педагошки поими и атрибути претставува воспитно-образовната практика. Во овој контекст го согледуваме содржинската и структурална целина на докторската дисертација Методичките модели за развој на математичките компетенции. Обидувајќи се да направиме една синтеза на доминантната триада на поимите модели - развој - компетенции ќе дојдеме нужно до сознанието за нивната интеракциска поврзаност и зависност. Всушност, моделите, како дидактички компоненти на наставата по математика и нивната активна примена, се нераздвојно поврзани со развојот на компетенциите на наставниците и во тој контекст и на учениците. Од друга страна, нивото на развој на математичките компетенции кај наставниците имплицира и го детерминира нивото на примена на математичките модели во наставата по математика. Оваа синтеза зборува за потребата од сфаќање на интегралното единство на овие поими во наставата, односно во образованието во целина. Компетенциите на наставниците, не само што се во директна корелациска врска со сопствениот индивидуален развој, туку тие се клучен фактор за развој на компетенциското ниво на учениците за совладување на математичките модели, како интегрални дидактички компоненти на наставата по математика. Теоретските и емпириските сознанија, искуствата и резултатите на оваа докторска дисертација, создаваат можности и претпоставки, отвараат дилеми за начините и пристапите, како и за ефикасните педагошки решенија за примена на нови и други дидактички поими и содржини во наставата по математикао. Но, не само тоа, целокупните педагошки сознанија од трудот се реална основа за дисперзија на примена и во други насгавни предмети со кои би се компарирале низ различни варијации.