DSpace-CRIS

Последните неколку декади, големиот напредок во третманот на пациентите со цистична фиброза (ЦФ) доведе до бројни етички прашања. Со зголемувањето на животниот век на пациентите со оваа болест дојде и до транзиција на грижата кон адултни центри. Оваа промена во животниот век, заедно со напредокот во техниката на асистирана репродукција, доведе до донесување и на одлуки за репродукција. Белодробната трансплантација од жив донор, терапијата со CFTR (cystic fibrosis transmembrane conductance regulator) модулатори, идната генска терапија и терминалната нега побудуваат етички дилеми. Разбирањето на етичките прашања при третманот на пациентите со ЦФ е круцијално за спроведување на оптимална нега на овие пациенти.

Вовед. Остеопорозата се дефинира како системско скелетно заболување кое се карактеризира со ниска коскена минерална маса и микроаритектурни нарушувања. Таа претставува болест кај која се намалува бројот на коскените гредички и нивната поврзаност. Истовремено доаѓа до намалување на кортикалната коскена густина, со што коските стануваат порозни, фрагилни и лесно кршливи. Цел. Презентација на препораките за третманот на остеопороза во услови на пандемија на Ковид-19, ризикот од инфекција, вакцинација и лекување во исто време. Методи. Направен е преглед на упатствата на водечките светски здруженија за коскено здравје и остеопороза од достапната литература. Како материjали се користени препораки и водичи за остеопороза на следните здруженија: Национална фондација за остеопороза (USA), Кралско здружение за остеопорозa на Велика Британија, Остеопороза Канада, Американското здружение за истражување на коските и минералите (ASBMR), Американското здружение за клиничка ендокринологија (AACE), Европското здружение за калцифицирано ткиво (ECTS), Меѓународната фондација за остеопороза (IOF ), и Националната фондација за остеопороза (NOF). Резултати. Направена е компилација на горе наведените упатства и препораки која претставува упатство за лекување на остеопорозата во време на пандемија со ковид-19. Остеопорозата не го зголемува ризикот од инфекција со ковид-19 и не влијае на компликациите на болеста. Нема докази дека терапијата за остеопороза го зголемува ризикот од инфекција и сериозноста на инфекцијата. Вакцините се безбедни и ефективни и не бараат промена во терапијата за остеопороза. Нема контраиндикации за вакцинација на пациенти со остеопороза, доколку немат и друго заболување за нив важат општите контраиндикации кои се однесуваат за сите. Заклучок. Пациентите со остеопороза не треба да ја прекинуваат тековната терапија во време пандемијата со ковид-19. Во услови на преоптеретеност на здравствениот систем дозволено е одложување на следната доза на антиостеопоротичен лек кое е различно по должина во зависност од лекот кој се користи. Вакцинацијата се препорачува независно од терапијата за остеопороза.

Faculty of Medicine

Browse

Filters

Settings

Sort By

Results per page

Search Results