Наративот на фактите (Лидија Димковска vs Мариуш Шчигел)

Abstract

Во овој текст се сопоставуваат двајца прозни автори, едниот македонски, другиот полски, кои пишуваат различно, но се преклопуваат во поглед на емиграцијата како животна определба која донекаде го формулира нивното творештво, како и во поглед на фактите кои се главен елемент во композицијата на нивните дела. Имено, делата на Мариуш Шчигел спаѓаат во т.н. литературна репортажа, односно во литературата на фактите, а Лидија Димковска пишува фиктивни романи. Токму таа разлика во пишувањето ги прави интересни за споредба, бидејќи како заеднички именител за двете писма се појавува наративот. Правилата на јазичното модулирање на раскажувањето ја доближуваат репортажата на Шчигел до уметничката литература, а вплетувањето на фактите во романот на Димковска се вкрстува со нефиктивната литература. И двете дела заокружуваат една фактивна слика за дадената земја.