АНАЛИЗА НА МОЖНОСТА ЗА ВОВЕДУВАЊЕ НА СЕДУМЧАСОВНО РАБОТНО ВРЕМЕ ВО КОРЕЛАЦИЈА СО ПОСТИГНУВАЊЕ НА МАКСИМАЛНА ПРОДУКТИВНОСТ: ДЕЛФИ МЕТОДА

Abstract

Целта на трудот е да се испитаат проблемите, причините и промените кои можат да влијаат врз промената на работното време, а притоа да се постигне максимална продуктивност. Истражувањето е спроведено преку три круга на анкетни прашалници со користење на методата за квалитативно предвидување – Делфи. Прашалниците се одговорени од 11 испитаници од една финансиска институција во нашата држава во периодот од 20 февруари и 8 мај 2019 година. Прашањата од првиот круг се насочени кон откривање на основните потешкотии со кои вработените се соочуваат во однос на факторот време. Вториот круг го сочинуваат прашања формулирани врз основа на добиените одговори од првиот анкетен прашалник, а третиот круг прашања се формулирани како резултат на добиените одговори од вториот круг. Во трудот се прикажани и детално се анализирани добиените одговори од првиот круг на Делфи методата.