Приносите на индексирано портфолио на пазарот на акции во република Македонија: предвидени наспрема остварени приноси

Abstract

Предвидувањата за идните цени на акциите или берзанските индекси се од големо значење за инвеститорите во акции. Во овој труд е направен обид да се предвиди движењето на индексот на пазарот на акции МБИ10 на Македонската берза. Во суштина, извршена е анкета на професори, аналитичари и менаџери за нивните очекувања за вредноста на МБИ10 во иднина. Колективните просечни предвидувања на краток рок беа дека МБИ10 ќе порасне и до крајот на годината ќе се оствари принос од 12,14%. Додека, пак, во следните десет години, просечниот годишен принос ќе изнесува 12,22%. Наспрема предвидените големи, реализираните приноси беа драстично помали. Остварениот принос во 2013 година изнесуваше 0,44% (наспрема предвидените 12,14%), а на крајот од 2014 година остварениот принос изнесуваше 6,06% (наспрема предвидените 12,22%). Исто така, дадени се подетални анализи и дескриптивна статистика на резултатите од анкетата.