ПРЕДИЗВИЦИТЕ НА МЕНАЏМЕНТОТ НА ЧОВЕЧКИ РЕСУРСИ ВО ТРАНСПОРТНИТЕ, ШПЕДИТЕРСКИТЕ И ЛОГИСТИЧКИТЕ КОМПАНИИ ВО РЕПУБЛИКА МАКЕДОНИЈА И СВЕТОТ

Abstract

Целта на овој труд е да ги истражи најголемите предизвици на менаџментот на човечки ресурси во транспортните и логистичките компании во Република Македонија и воопшто во светот. Овој труд е концептуален по својата природа и дискутира за најголемите проблеми и можните решенија кои би можеле да ги преземат компаниите од оваа индустрија, со цел да ја унапредат својата конкурентска позиција и привлечност за задржување и вработување на (квалитетни) кадри во однос на претставниците на другите индустрии. Овој труд се обидува да го ублажи недостатокот на релевантни емпириски информации за предизвиците на овој индустриски сектор поврзани со вработените и нивното управување преку обединување на резултатите од неоправдано малиот број на научни и стручни трудови во оваа област со оглед на големината и значењето на овој сектор како работодавач.