Музичките инструменти во Стариот Завет

Abstract

И покрај интензивните археолошки ископувања вршени во Источниот Медитеран, особено во Палестина во последните неколку децении, кои изнесоа на виделина голем број материјални сведоштва за видот на музичките инструменти на древниот Исток, сепак, проблемот околу точнатаидентификација на голем број инструменти во Библијата остана во спекулативната сфера, а само се зголеми бројот на претпоставките. Напоредна филолошка анализа на најстарите преводи на Библијата, начинот на кои се преведувани и приспособувани називите на музичките инструменти во нив, покажува дека и многуте преведувачи и редактори на текстовите во минатото го имале истиот проблем. Големата временска оддалеченост од настаните опишани во Библијата, а и развојот на самите инструменти во разни средини низ вековите, довело до грешно преведување на називите на музичките инструменти, кои се пренесени до нас. Во ова дело се објавени истражувања што ги ревидираат грешните толкувања и преводи од минатото.