Светиклиментовата силина на словото за Словото

Abstract

Преку силината на словото на Свети Климент Охридски, започнатото просветителско дело на сесловенските учители, Светите браќа Кирил и Методиј, не само што успеало да опстане и продолжи, туку и да биде расеано понатаму низ целиот словенски христијански свет. Но, светиклиментовото слово е силно затоа што е втемелено врз Словото, за коешто и заради коешто Свети Климент говори и пишува. Словото, силниот Збор Божји забележан и засведочен во Библијата, е основата на неговата мисла и суштината на неговата дејност. Силината на словото се огледа во неговите слова, поуки и проповеди, но и самиот Свети Климент сведочи за моќниот збор на неговите блажени учители. Од него оставената духовна и културна оставина дополнително ја потврдува силата на неговиот збор, потврден со дела.