Српските училишта во Македонија во 70тите години од XIX век

Abstract

Српската образовна пропаганда својата работа во Македонија меѓу Македонците ја започнува на крајот од 60тите години на XIX век. За таа цел Кнежевството Србија основало посебен Одбор за училишта и учители во Стара Србија, Македонија и Босна и Херцеговина под покровителство на Министерството за надворешни работи и на Министерството за просвета. Во српските училишта во Македонија се поучувало дека Македонците не се Македонци туку Срби и дека нивната писменост и култура се поврзани со српската култура, со свети Сава и српскиот цар Душан. Но, и покрај ова во Македонија и понатаму меѓу Македонците се пренесувало дека тие се Македонци, потомци на Старите Словени доселени во римскиот Илирик од север и нивната култура е поврзана со традициите на светите Кирил и Методиј, а не со свети Сава и царот Душан. Како контратежа на последниов во македонската традиција во XIX век постоело идентификување со царството на Александар Македонски.