Животот на Црквата во првиот век според Дела на светите апостоли од светиот апостол Лука

Abstract

Христовата Црква се основала на еден од најголемите јудејски празници Педесетница, но не со страв и тајно, туку најгласно, нвидливо, со пламени јазици кои слегуваат врз апостолите и пред публика која зборувала на сите јазици на Земјата. Таа започнала со масовно крштение на околу 3.000 присутни на овој настан. Првите христијани живееле во тесно поврзани заедници во кои имотот е заеднички и ревносно се грижеле еден за друг. Но, и во ваа прва Црква, полна со личности кои биле лични сведоци на Христа и Неговите дела, сведоци на основањето на Црквата, сведоци на големи дела што ги вршеле апостолите сепак не било сѐ идеално и не сите имале цврста вера. МНогу брзо по основањето првосвештениците и останатото јудејско свештенство започнале со организирано гонење на христијаните. Благодарение на римската власт во првите времиња Јудејците не секогаш успевале да ги убијат христијаните.