Важноста на епископството на Доситеј за Македонската православна црква - Охридска архиепископија

Abstract

Истражувањата, анализите и студиите за настаните и личностите поврзани со обновата на Охридската архиепископија како Македонска православна црква, со право, голем дел од своето внимание го посветуваат на нејзиниот прв црковен поглавара, архиепископот Доситеј. Но, во своите изложувања и анализи вниманието, пред сѐ, е концентрирано кон политичко-социјалните околности во кои се случува обнвата на Охридската архиепископија, а делумно и кон канонскиот аспект на ова прашање. Во нашиов текст за архиепископот Доситеј ќе се обидеме да претставиме една поинаква перспектива за неговата улога во обновата на Охридската архиепископија низ призмата на црковната историја и местото што го има епископот во Црквата.