Сегашниот партицип со прилошка функција во англискиот и неговите корелати на македонски јазик

Abstract

Сегашниот партицип (ing-participle) во англискиот јазик има широк спектар на функции, при што, една од најчестите е прилошката. Еквивалент на овој партицип од англискиот е некогашниот активен партицип на презентот во нашиот стар јазик, кој во современите граматики на македонскиот јазик е познат како глаголски прилог (-јќи). Целта на овој труд е да се наведе поголем број од употребите на сегашниот партицип во англискиот јазик со прилошка функција и да се даде преглед на соодветните преводни еквиваленти на македонски јазик. Притоа, тргнувајќи од англискиот јазик, се води сметка за тоа дали при преведувањето на македонски, покрај семантичкото соодветство, постои и формално.