Интеракција и комуникација во образованието на далечина во македонските училишта

Abstract

Како резултат на глобалната здравствена криза образовните институции во голем дел преминаа од класична кон настава на далечина, со важни предизвици интеракција и комуникација.Теорискиот дел на трудот вклучува дефинирање, вреднување, класификации и цели на интеракциите. Разликуваме повеќе форми на интеракција: ученик-ученик, ученик-наставник и ученик-содржина (Мур и Керсли); наставник-наставник, наставник-ученик и наставник-содржина (Андерсон и Гарисон) и ученик-интерфејс (Хилман). Интеракцијата без разлика, синхрона или асинхрона, зависи од многу фактори: технологија, време, број на луѓе, локација, степени и.т.н. Прашањата се многубројни: „Разликата меѓу различни типови интеракции“, „Кој вид, со колкав интензитет на интеракција и нивно комбинирање, е поефективен во различни форми на образование?“„Kако да се стимулирачки за учениците и наставниците?“ , „Како новите технологии да го подобрат нивниот квалитет?...Интеракцијата треба да е достапна, соодветна и релевантна. Образовните институции треба да организираат курсеви за најсоодветен тип на интеракција за различни наставни задачи, различни предметни области за учениците во различни фази на развој. Практичниот дел е: истражување меѓу наставници за интеракцијата во македонските училишта и приказ на мултимедиски софтверски решенија со препораки во функција на правилна примена на интеракцијата и подигнување на нејзиното ниво.