Ракописните служби на свети Спиридон Тримитунтски и свети Наум Охридски од Света Пречиста Кичевска

Abstract

Покрај постарите ракописи од ресавскиот период и периодот на дамаскините, во манастирот Света Пречиста Кичевска се наоѓаат и ракописи од средината на 19. век, главно засебни богослужби и тефтери од манастирската економија. Службите на свети Спиридон Тримитунтски и на свети Наум Охридски припаѓаат на оваа група и се пишувани на руска варијанта на црковнословенски јазик. Постоењето на засебни ракописи за овие служби и потребата тие да се препишат, сведочат дека култот на овие два светитела бил значително распространет во овој крај. Во прилог на ваквото тврдење оди и нивното почитување како домашна слава или именден, особено свети Спиридон Тримитунтски.