Пострауматска реконструкција на очните капаци и периокуларна регија

Abstract

Вовед: Тешките повреди на лицето и главата често инкорпорираат авулзивни и конквасантни повреди на очните капаци, орбитата и периокуларната регија, делови на лицето кои се заради својата комплексност и најтешки за реконструкција. Цел: Целта на овој труд е да се истакне важноста на правилната реконструкција на овие структури. Материјали и Методи: Во овој труд се анализирани 5 пациенти со тешки повреди на очните капаци и периокуларните регии, оперирани на Универзитетската Клиника за очни болести, следени 10 до 23 месеци. Резултати: Покрај драматичниот изглед на овие комплексни трауматолошки случаи при прием, остварени се одлични постоперативни резултати со високо прифатлива естетска, анатомска и функционална реституција.