Осврти, рецензии, промоции, кажувања, извештаи и медиуми за професорот д-р Љупчо Ајдински

Abstract

Оваа монографија претставува сублимат од претходно публикувани книги од и за нашиот професор. Дава осврт на творечкиот опус, рецензиите, наградите и одликувањата со кои се дава признание за неговите активности и дела. Посебно место заслужува животниот сопатник на професорот, неговиот најголем поддржувач и критичар, инспирација за големите дела и прибежиште од секојдневието, неговата сопруга Марија Костова. Оставајќи зад себе голем број дела исполнети со морал, етика и хуманизам, нам, неговите студенти, ни остава значаен животен предизвик. Наша обврска е да ги продолжиме дејностите на нашиот професор, да се осигураме дека никогаш нема да запре борбата за квалитетен и достоинствен живот на најранливите и најмаргинализираните, на лицата со пречки во развојот и нивните семејства. Нивната борба, мора да биде и наша борба.