Превенција и рано откривање на карциномот на грлото на матката во Република Македонија - реалност, искуства и перспективи

Abstract

Во трудот е даден краток преглед на искуствата од постоечкиот цервикален скрининг во Македонија со акцент на насоките за реорганизација според искуствата од други земји и поуките од направените пропусти. Карциномот на грлото на матката е една од најчестите малигни неоплазми кај жените во нашата земја, а неговата контрола во минатите пет децении беше спроведувана преку скрининг програма која генерално е опортунистичка, со покриеност од само 10% од целната женска популација. Според тоа, во иднина во Македонија ќе треба да го реорганизира цервикалниот скрининг така што ќе се обезбедат адекватни финансиски извори, ќе се развие потребната инфраструктура, ќе се обучи персоналот и ќе се предвидат механизми за контрола на цервикалниот скрининг, испитувањата, третманот и следењето на испитуваните жени.