Примарен малигнен меланом на грлото на матката - приказ на случај

Abstract

Примарниот малигнен меланом на грлото на матката е ретко заболување. Клиничката слика е мошне неспецифична и не се разликува од онаа на вообичаените симптоми на порциото. Се манифестира со контактни, а подоцна во текот на болеста и спонтани вагинални крварења, односно во напреднатите стадиуми и со симптоми од дисеминација на процесот. Самото дијагностицирање на овој ентитет бара огромно внимание, особено во разграничувањето на ПММГМ од метастаза на меланом на грлото на матката. Недвосмислен доказ за постоење на ПММГМ е неговата хистопатолошка верификација во преодниот епител. Кај ПММГМ се јавува и проблем при одредување на стадиумот на болеста, но сепак повеќето автори го користат FIGO системот наспроти критериумите за одредување на стадиумите кај кутаниот малигнен меланом според Clark и Breslow. Радикалната хистеректомија според Wertheim Meigs и адјувантната хемиотерапија се методи на избор во третманот на ПММГМ. Примарниот меланом на вратот на матката кој се дијагностицира во напреднат стадиум на болеста (иноперабилен) покажува резистенција на било каков вид на конзервативна терапија, со тенденција за брза локална и системска прогресија на болеста, што резултира со исклучително лоша прогноза. Primary malignant melanoma of the uterine cervix (PMMUC) is an extremely rare disease. Clinical presentation of PMMUC is not specific and not different from the common cervical malignancies. It presentс with postcoital spotting, spontaneous vaginal bleeding, even with the signs of dissemination in the advanced stages of the disease. The diagnosis is difficult, because it is essential to differentiate PMMUC from secondary malignant melanoma, by the presence of melanocytes in the epithelium and verification of junctional activities. There is a consensus about staging procedure using FIGO criteria, rather than that of Clark and Breslow (TNM clasification, UICC). Radical hysterectomy is accepted as the most important initial approach, while the role of pelvic lymphadenectomy remains unclear. We present a case of PMMUC in advanced, inoperable stage of the disease, treated in our institution by radiotherapy and chemotherapy. There was no response to any available conservative treatment.