Специфичности во примената на наставните средства и специфични помагала во наставата за учениците со моторни нарушувања

Abstract

Иако за училиштето размислуваме како за статична институција, сепак образованието го доживува својот подем и се менува, вклучувајќи го и образованието на деца со попреченост. Со донесување на Законот за образование во 2019 година, во Р Македонија започнува процесот на потполна инклузија, што значи дека основното образование е институционално, кадровски и содржински организирано на начин кој поддржува вклучување на сите ученици во редовното основно образование. По предлог на Бирото за развој на образованието, министерот за образование и наука утврди НОРМАТИВИ И СТАНДАРДИ за простор, опрема и наставни средства за основно училиште во Република Северна Македонија. Иако за учениците со ПОП е наведено дека ќе се користат специјализирани наставни средства и учебни помагала како и асистивна технологија во зависност од индивидуалните можности, способности и потреби на ученикот со попреченост, сепак опфатеноста во програмските документи е општа. Оттука произлезе потребата од пишување на овој труд, да се допрецизираат специфичностите во користењето на наставните средства и помагала во инклузивна училница. т.е. на кој начин наставните средства и учебни помагала кои се предвидени за учениците со типичен развој ќе станат специјализирани, и кои специфични наставни средства, посебни учебни помагала и асистивна технологија се потребни за ученикот со моторни нарушувања.