АТИПИЧЕН СПИТЦ НЕВУС ВО ДЕТСКА ВОЗРАСТ

Abstract

Спитц невус претставува ретка меланоцитна неоплазма на епителоидните или врететеновидните клетки. За прв пат опишан во 1948 год.од страна на Софи Спитц (американски патолог) како” јувенилен меланом “специјална форма на бенигна меланоцитна лезија. Поради различноста во презентација на клиничката слика како и тешката хистолошка дистинкција на дијагнозата ,сеуште не постои козензус или водич базиран на докази за третманот.Пристапот е индивидуален и се третира секој случај засебно. Во трудот презентираме женско дете на возраст од 4 години ,со појава на на пигментирана нодуларна лезија на десниот образ забележана неколку месеци после раѓањето.Лезијата бележи постојан раст кој се интензивира во последните шест месеци.Исто така дермоскопскиот наод дава податок за промена на колоритетот на лезијата. Спроведена е хируршка екцизија ин тото,како и хистолошко и имунохистохемиско иследување,кој ја потврдуваат дермоскопската дијагноза Спитц невус. Редовното дермоскопско следење,како и хистолошката и имунохистохемиската дијагноза се основата на рано дијагностицирање и диференцирање на Спитц невусот од Спитцоидниот меланом.