Демографските промени во Република Северна Македонија со фокус на Пописот на населението од 2021 година - причини, последици и импликации
Date Issued
2024-08
Author(s)
Лозаноска, Александра
Јанеска, Верица
Abstract
Во рамки на ова истражување беа утврдени манифестираните промени во особеностите на населението и домаќинствата во последните две децении – вкупно и на ниво на региони/општини, врз основа на сеопфатна анализа на податоците од Пописот на населението, домаќинствата и становите од 2021 година и нивно сопоставување со податоците од Пописот од 2002 година. Исто така, беше согледана условеноста на демографските промени во земјата, преку сеопфатна анализа на компонентите на природното движење на резидентното население, потоа внатрешните и надворешните миграции, како и нивната заемна обусловеност и влијание врз постојните демографски состојби во Република Северна Македонија, на ниво на земјата, во одделни региони и општини. Особено значаен сегмент е идентификувањето на последиците од демографските промени врз идниот развој на населението и расположливите човечки ресурси, како еден од клучните фактори на развојот, потоа од интензивното демографско стареење и порастот на старечкиот контингент, како импликациите во областите на социо-економскиот развој на земјата, кои директно и/или индиректно се погодени од постојните демографски состојби и очекуваните промени во наредните децении.