Дејствувачката естетика и објективната вистина во книжевната критика на Коста Солев Рацин
Journal
Годишен зборник на Филолошкиот факултет „Блаже Конески“
Date Issued
2023
Author(s)
Антоновски, Иван
Abstract
Споредено со севкупното публицистичко творештво на Коста Солев Рацин, помалку внимание досега е посветено на Рациновата книжевна критика, којашто иако не е обемна, имајќи ги предвид и спецификите на развојот на македонската книжевност, несомнено е дека има исклучително значење во севкупниот македонски книжевен и воопшто културно-историски контекст. Таа го детерминира т.н. Рацинов период во македонската книжевна критика којшто е темелник на современата македонска книжевно-критичка реч, но едновремено сведочи и за поставувањето на темелите на современата книжевна полемика во македонскиот културен простор, којашто задира и во согледувањата и концептите за естетските и поетички книжевни платформи и во вреднувачкиот суд за конкретни книжевни остварувања. Ова осврнување кон Рациновата книжевна критика има за цел да овозможи да се согледаат некои значајни димензии на Рациновата творечка личност остварена и преку книжевната критика и одново да се анализираат некои од ставовите на Рацин за книжевноста, од временска / историска дистанца од којашто може да се согледа и севкупниот македонски и југословенски / јужнословенски книжевен контекст на XX век. Акцентот на трудот е ставен на две фундаментални критичко-теориски категории во Рациновите критичко-есеистички текстови – клучни постулати на неговата критичка реч: дејствувачка естетика и објективна вистина.
Анализата на контекстуализацијата на овие критичко-теориски категории во критичко-есеистичките текстови на Рацин, остварена преку исчитување на издвоени конкретни примери и преку исчитување на евкупниот критичко-есеистички Рацинов опус со посочување на конкретните текстови, упатува кон заклучна согледба дека станува збор за книжевна критика којашто застапува изградено стојалиште за книжевноста и за димензионирањето на натамошниот развој на македонската и јужнословенската книжевна, но и воопшто културна стварност и како таква, согледано од денешна перспектива, несомнено имала потенцијал да биде зародиш на една осмислена естетска платформа, што заслужува и потемелити проучувања и оцени.
Анализата на контекстуализацијата на овие критичко-теориски категории во критичко-есеистичките текстови на Рацин, остварена преку исчитување на издвоени конкретни примери и преку исчитување на евкупниот критичко-есеистички Рацинов опус со посочување на конкретните текстови, упатува кон заклучна согледба дека станува збор за книжевна критика којашто застапува изградено стојалиште за книжевноста и за димензионирањето на натамошниот развој на македонската и јужнословенската книжевна, но и воопшто културна стварност и како таква, согледано од денешна перспектива, несомнено имала потенцијал да биде зародиш на една осмислена естетска платформа, што заслужува и потемелити проучувања и оцени.
Subjects
File(s)![Thumbnail Image]()
Loading...
Name
Иван Антоновски, докторски студии, Годишен зборник.pdf
Description
Коста Солев Рацин, Годишен зборник на Филолошкиот факултет
Size
699.29 KB
Format
Adobe PDF
Checksum
(MD5):c15e965bd59f4a5dcf2ddd78aacf2e55