Правниот латински јазик како lingua franca во правниот простор на Европската унија

Abstract

Трудот прави преглед и анализа на спротиставената аргументација во однос на латинскиот јазик како lingua franca во правниот простор на Европската унија, а во тесна поврзаност со проблематиката на актуелниот правен мултилингвизам и моделите развиени од страна на проф. д-р Фриц Штурм во 2002 година. Овие модели се спротиставуваат на релевантните истражувања во проблематиката, како и на актуелните состојби, кои кумулативно укажуваат на непстоење на стандардизиран правен латински јазик во Европа, но истовремено упатуваат и на историските, културните и државно-правните причини за неговото надминување, од кои најзначајна е јазичната демократизација. Заклучно се истакнува дека економизирањето на актуелниот правен мултилингвизам може да се постигне со варијанти на негово ограничување, подетално изложени како разработени предлози во трудот.