'Сагата за Острогота' и Codex Vindobonensis hist. gr. 73

Abstract

Статијата се занимава со прашањето за историчноста на готскиот крал Острогота, кој досега во современата историографија беше сметан за фиктивен или митолошки карактер. Врз основа на анализата на најновиот изворен материјал и неговата споредба со Гетика од Јорданес и други доцноантички пишани извори, статијата дебатира со последните историографски трудови за неговото постоење односно непостоење, и заклучува дека сепак Острогота бил реална историска личност активна кон средината на III век. Целта на статијата е да се вклучи во тековните истражувања поттикнати од откривањето на шестте нови фрагменти од делото Скитика на Дексип во Австриската национална библиотека. Во таа насока, два од листовите (f.194r и f.194v) од Codex Vindobonensis Hist. gr. 73 се преведени на македонски јазик и се појдовна точка за статијата, а заедно со останатите фрагменти и за следни истражувања поврзани со историјата на Готите и нивните односи со Римското царство во III век.