Ефектите на јавниот долг врз економскиот раст – емпириска панел анализа за новите земји членки на ЕУ

Abstract

Целта на овој труд е да се анализира влијанието на јавниот долг врз економскиот раст на примерок составен од единаесет нови земји-членки на ЕУ од Централна и Југоисточна Европа за периодот од 2000 до 2016 година. Со оглед на тоа што помеѓу овие земји економскиот и финансискиот развој значително се разликува, ние го поделивме вкупниот примерок во три похомогени субпримероци: Балкански земји (БАЛ-4), Балтички земји (Б-3) и Вишеградски земји (ВИС-4). Резултатите од нашето истражување потврдуваат дека, при контролирани детерминанти на раст (трговска отвореност, растот на население, инфлацијата и странски директни инвестиции), јавниот долг има статистички значајно негативно влијание врз растот на БДП. Дополнително, негативното влијание на јавниот долг врз растот е многу посилно во Балканските земји, кои се во просек помалку развиени отколку Вишеградските и Балтичките земји.