Улогата на обуката и развојот на вработените во остварување на подобри перформанси во ИТ секторот

Abstract

Во областа на управувањето со човечките ресурси, обуката и развојот на вработените е поле кое е одговорно за организациските активности кои се насочени за подобрување на перформансите на индивидуалците и групите во организациското опкружување. Преку процесот на обука и развој на вработените, менаџментот на човечки ресурси, овозможува постојани иновации во знаењето, создава услови за меѓусебно учење и надополнување на знаење, размена на искуствата и проактивно однесување. За да се надминат растечките побарувања во деловниот свет, кој станува динамичен и постојано променлив, осовремуван и во тек со модерниот свет, но и за да се стигне до највисоките предизвици на глобалната генијалност, потребна е комбинација на нови технологии, вешти и талентирани луѓе. Поради брзиот глобален и технолошки развој, организациите се соочуваат со нови промени и предизвици. Технолошките достигнувања ја обликуваат потребата за соодветни способности и компетенции потребни за извршување на посебни задачи. За да се одржи токму таквиот баланс, за конкурентност и успех на пазарот, потребено е постојано пратење на новите трендови, промени и иновации, за понатамошно надоградување и усовршување на знаењата на вработените. Ова истражување има за цел да ја открие улогата на обуката и развојот на вработените во остварување на подобри перформанси во ИТ секторот, како и да провериме дали постојат разлики кај вработените од различен пол, возраст, образование и работен стаж во однос на професионалниот развој на вработените, задоволството од работата, мотивацијата од работа и перформансите на вработените.