Анализа на современите тенденции и димензии на разузнавањето

Abstract

Магистерскиот труд во основа претставува истражување, насочено кон детектирање и анализирање на современите тенденции и димензии на разузнавањето, нивниот импакт врз националната безбедност и основните човекови права и слободи. Акцент е ставен на рапидниот подем на науката и техничко-технолошките достигнувања, нивната примена од страна на непријателските сили и разузнавачките служби, како и влијанието врз безбедноста на национално и меѓународно ниво. Преку достапната стручна литература од домашни и странски автори, важечката легислатива, студија на случаи, натписи во реномирани светски медиуми, изјави на светските лидери и доменски експерти, како и заклучоци од безбедносни конференции и дипломатски самити - пристапено е кон анализа на современото разузнавање. Главната хипотеза на магистерскиот труд е заснована врз становиштето на анализата на современите тенденции и димензии на разузнавањето придонесува за изградба на современа разузнавачка заедница со цел навремено детектирање, превенирање и елиминирање на заканите по националната и меѓународната безбедност. Истражувањето е базирано на анализи карактеристични за современата разузнавачка практика во светски рамки, со посебен акцент на актуелните случувања во доменот на разузнавањето во Република Македонија и Соединетите Американски Држави, во периодот од 2001 година до 2019 година.