ТЕРМИЧКИ ТРЕТМАН НА ЦВРСТ КОМУНАЛЕН ОТПАД (ЦКО)

Abstract

Термичкиот третман е најзастапена алтернативна постапка во решавањето на проблемот со цврстиот комунален отпад (ЦКО). Притоа, покрај драстичната редукција на волуменот на ЦКО (околу 90%), може да се постигне и висок степен на искористување на енергијата што се ослободува при дадените процеси. Во трудот се изнесени главните аспекти на процесот на високотемпературна инсинерација: термичките карактеристики на ЦКО, условите на инсинерација, видови построенија како и понатамошен третман на ослободените гасни и цврсти остатоци од процесот. Исто така се наведени основните карактеристики на процесот на пиролиза и комбинираните термички постапки.