ФАКТОРИ НА РИЗИК ЗА НЕУСПЕШЕН МЕДИКАМЕНТОЗЕН АБОРТУС СО МИФЕПРИСТОН И МИСОПРОСТОЛ И ДИЈАГНОСТИЧКИ ПАРАМЕТРИ ЗА УТВРДУВАЊЕ НА НЕГОВАТА УСПЕШНОСТ

Abstract

Цели. Целта на оваа студија беше да се утврдат ризик факторите од акушерската анамнеза на пациентките за неуспешен медикаментозен абортус, како и асоцираност на ултразвучно измерената дебелина на ендометриумот и титарот на хормонот Bhcg ( betha chorionic gonadothropin) со успешен медикаментозен абортус, со помош на кои би се конструирал алгоритам за менаџирање на процедурата. Материјали и методи. Се спроведе проспективна струдија во која беа регрутирани 100 пациентки кои на свое барање побараа медикаментозен абортус со мифепристон и мизопростол на Универзитетската Клиника за Гинекологија и акушерство - Скопје. Беа колекционирани податоци од акушерската анамнеза со помош на прашалници. Трансвагинален ултразвук со мерење на дебелината на ендометриумот и серумско мерење на bhCG беа изведени на почетокот и 14 дена по процедурата. Клиничкиот исход беше дефиниран како целосно исфрлање на интраутерина содржина со (неуспешна група) или без (успешна група) хируршка интервенција. Резултати. Хируршка интервенција се изврши кај 10% од пациентките. Резидуални концептуални маси беа потврдени во 89% од случаите. Постара возраст на пациентката, претходни мисетирни абортуси, мултигравидитетот и вонредна контрола (порано извршена од две недели по процедурата), беа независно поврзани со неуспешен медицински абортус. Значајни разлики беа пронајдени во средната серумска bhCG (betha chorionic gonadothropin) концентрација и просечната дебелина на ендометриумот во успешната наспроти неуспешната процедура. Заклучоци. Медикаментозниот прекин на бременоста со мифепристон и мизопростол е ефикасен во 90% од случаите. Пациентките со напредната вораст, претходни мисетирани абортуси, мултигравидитет и оние кои се јавуваат на контролен преглед порано од две недели, се високо ризични за да имаат неуспешен абортус. Алгоритам за следење со детерминирање на најсоодветен термин на прва контрола, серумско bhCG и сонографската дебелина на ендометриумот може да се користат како дијагностички параметри за поставување на дијагноза за комплетен абортус.