Миграцијата, границата и граничните идентитети во делото на Лидија Димковска

Abstract

Анастасија Ѓурчинова, Лидија Капушевска-Дракулевска МИГРАЦИЈАТА, ГРАНИЦАТА И ГРАНИЧНИТЕ ИДЕНТИТЕТИ ВО ДЕЛОТО НА ЛИДИЈА ДИМКОВСКА Апстракт Севкупното творештво на Лидија Димковска (неколку поетски книги и романи, збирка раскази, антологии и др.), авторка која и самата твори на границата помеѓу повеќе периферни култури и јазици, е посветено токму на маргиналните, гранични култури. Наспроти удобноста на статичниот живот во рамките на една култура и пишувањето на еден јазик, кај неа се согледува двојство и расцеп, бидејќи просторната, географска дистанца, креира нови и видоизменети идентитети. Граничните култури имплицираат вкрстување, мешање, хибридизирање, циклично поврзување на старото и новото, на минатото и иднината, на заминувањето и доаѓањето (Њиши). Идентитетот на границата е плурален, свесен за противречностите од едната и од другата страна на линијата, кои не ги гледа како судир, туку како како дијалог или „средба на познатото и непознатото“ (Магрис). За Димковска граничноста претставува темелно животно и културно искуство, поттикнувачки мотив за креација, што е поткрепено со примери од нејзините дела.