ПОЧЕТНАТА ФАЗА НА КОРИСТЕЊЕ НА ХИДРОЈАЛОВИШТАТА – КРИТИЧНА ЗА СТАБИЛНОСТА НА ЈАЛОВИШНИТЕ БРАНИ

Abstract

Значењето на почетната фаза на користењето на хидројаловиштата, која во многу случаи претставува критична фаза за стабилноста на јаловишните брани, е илустрирано со проценки за причините и обемот на оштетувањата, анализи на стабилноста и усвоени мерки за санација на јаловишната брана Саса 4, оштетена во почетниот период на градба. Целите на истражувањето на јаловишната брана Саса 4 на рудникот „Саса“, М. Каменица, која беше оштетена во почетниот период на градба во септември 2020 година, се: (1) да се детектираат причините за оштетувањето на јаловишната брана на 14 септември 2020 г.; (2) да се определат ургентни мерки за обезбедување на потребната стабилност на јаловишната брана со кота 910 м.н.в.; (3) да се дефинираат мерки за уредување на околниот терен и надградба на објектите и опремата за продолжување на користењето на хидројаловиштето со потребната сигурност, за моментната кота на круна на брана на 910 м.н.в.; (4) да се предвидат мерки за натамошно безбедно користење на хидројаловиштето и градење на јаловишната брана, од моментната до завршната кота на круна на 952.0 м.н.в.