КОМПАРАТИВНА АНАЛИЗА НА НАСЛЕДНО-ПРАВНИТЕ СИСТЕМИ ВО ЕВРОПА

Abstract

Апстракт: Во низата правни сфери во кои се извршени сериозни напори кон унифицирањето на правните правила во рамките на Европската Унија, како последни доаѓаат оние од областа на семејното и наследното право. Причините се сосема јасни и едноставни. Огромното влијание на веќе востановената традиција во областа на наследувањето се чинело непремостлива препрека, посебно заради очигледните разлики помеѓу континенталниот, Common Law системот, и земјите кои припаѓаат на нордиското правно семејство. Заради тоа, кон хармонизација во областа на наследното право се пристапило во тој момент кога станала евидентна реалната потреба за воедначени правила кои ќе бидат основа или патоказ како да се надмине колизијата на нормите меѓу националните законодавства поврзани со сукцесијата. Во таа смисла основната цел на овој труд е да ги покаже евидентните разлики во регулирањето на наследно-правната област во различните правни системи, но и можностите за воведување на единствени правила во областа на наследното право.