Заштита на критичната инфраструктура од асиметрични закани

Abstract

Безбедноста како поим може да се дефинира на повеќе начини зависно од кое гледиште е набљудувана, но сигурно е дека истата е систем во кој се заштитува територијалниот интегритет на една држава и нејзиниот суверенитет. Кога една безбедна средина доаѓа во допир со закана или постои ризик од закани (надворешни / внатрешни) тогаш не можеме да зборуваме за безбеден систем. Овој магистерски труд ќе се фокусира врз анализирање на безбедноста како нужност на една држава, и како асиметричните закани влијаат врз критичната инфраструктура која е основна физичка и организациска структура на едно општество, а е истовремено важна за непречено функционирање на истото. Главни прашања на кои треба да даде одговор овој магистерски труд се следните: Прво: Што е безбедноста и како се обезбедува истата? Второ: Што се асиметричните закани и како тие влијаат врз безбедноста и критичната инфраструктура? Трето: Како да се заштити критичната инфраструктура од асиметричните закани?