МУЛТИКУЛТУРНОСТА И ИНТЕРКУЛТУРНОСТА ВО УЧЕБНИЦИТЕ ОД ШЕСТО ДО ДЕВЕТТО ОДДЕЛЕНИЕ ВО ОСНОВНОТО ОБРАЗОВАНИЕ ВО РЕПУБЛИКА МАКЕДОНИЈА

Abstract

Истражувањето на учебниците кои се користат во наставата со ученици од шесто до деветто одделение во деветгодишното основно образование претставува продолжување на она кое ги имаше за предмет учебниците од одделенска настава и ја има истата цел: да се направи увид во застапеноста и начинот на претставување на културните обележја и интеракцијата меѓу различните етнички заедници кои живеат во Република Македонија, како и во присутноста на мултикултурни содржини кои се однесуваат на поширок, глобален контекст. Идентификуваните состојби овозможуваат да се согледа дали и колку учебниците ги сензибилизираат учениците од постарата училишна возраст за различноста со која се опкружени и ги поттикнуваат на интеркултурен дијалог и соработка. На тој начин, добиените сознанија ќе даваат насоки за унапредување на квалитетот на учебниците од аспект на мултикултурноста и интеркултурноста, а со тоа ќе претставуваат придонес во градењето на интеркултурен воспитно – образовен амбиент во Република Македонија.