ОСНОВНИ ПРОБЛЕМИ СО КОИ СЕ СООЧУВААТ СТУДЕНТИТЕ НА ПРАКТИЧНИОТ ИСПИТ ПО МЕТОДИКА НА НАСТАВАТА ПО КНИЖЕВНОСТ

Abstract

Текстот претставува синтеза на резултатите од практичниот испит по предметот Методика на наставата по книжевност 2, за студентите од групите Македонска книжевност и култура и Македонски јазик, за студентите од трета и четврта година на групите Македонски јазик и Македонска книжевност и култура на Филолошкиот факултет „Блаже Конески“ во Скопје. Текстот укажува на проблемите со кои се соочуваат студентите на практичниот испит по Методика на наставата по книжевност и ги открива клучните предизвици во наставниот процес, како неопходната потребата за подобра подготовка преку темелно познавање на наставната содржина, детално планирање на часот и вклучување на алтернативни интерпретативни стратегии, особено во ситуации кога е неопходно прилагодување на пристапот според потребите на учениците. Исто така, текстот го истакнува значењето на флексибилноста и поголемата отвореност на студентите кон различни толкувања, креативни пристапи во презентацијата на содржината и балансирање на различните типови активности на часот.