Блаже Конески за македонската литература од 19 век

Abstract

Истражувањата на Блаже Конески за македонската литература и култура од 19 век претставуваат неодминливо четиво, како за оние кои се занимаваат со научно-истражувачка работа така и за оние кои се доволно љубопитни и храбри да се нурнат во ова комплексно подрачје. Низата недоумици поврзани со истражувањето на македонскиот 19 век Конески ги решава на мошне систематичен начин, давајќи втемелени и детални објаснувања за одредени автори, појави и процеси, или дедуктивно изведувајќи општи премиси кои се применливи за соодветното разбирање на природата и на карактерот на овој развоен период. Критичкиот опус на Блаже Конески, кој се однесува на истражувањето на македонскиот 19 век, се карактеризира со: – анализирање на документот (аргументот); – истражување на културно-историскиот контекст; – систематично разгледување на сродните појави и процеси, како во соодветниот културен регион така и пошироко; – анализа на јазичните и на стилските особености на авторите и на текстовите; – дијахрониско и синхрониско следење на одделните културни појави.