Промени во хемодинамските состојби кај родилките во општа и спинална анестезија во тек на царски рез

Abstract

Резиме: Бројот на царски резови е значително зголемен и затоа го испитуваме влијанието на видот на анестезијата врз хемодинамските параметри на родилките. Цел: Да се споредат ефектите на спиналната со општата анестезија преку хемодинамско следење на родилките и да се утврдат можните компликации. Материјал и методи: Испитани се 120 родилки кои се поделени во две групи.Група 1 се состоеше од 60 родилки во ОА. За премедикација: амп.метоклопрамид од 10mg. За вовед :пропофол (2,0-2,5 мг/кг/тт) .За олеснување на интубација сукцинил холин (1-1,5 мг/кг/тт ), или рокурониум бромид ( Есмерон) (0,4 - 0,6 мг/кг/тт).По екстракција на плодот, дававме анелгетик Фентанил ( 0,005 мг/кг/тт ) и деполаризантен релаксант. Односот на гасовите О2 и N2O беше 3:3 Л/мин.Група 2се состоеше од 60 родилки во СА. Лумбалната пункција беше изведувана помеѓу Л2 и Л3 или Л3 и Л4, со игла 26 или 27 G. Беше аплициран Бупивакаин 0.5% (2-3мл). Родилките беа хидриранисо 500-1000мл NaCl0.9% или Рингеров раствор. Беше следен волуменот на дадени раствори,вкупно и по видови од почетокот до крајот на интервенцијата. Кај двете групи беа следени: АП ,пулсот, бројот на респирации во минута и сатурацијата на периферната крв со кислород (SpO2). Резултати: Групата со СА покажа поголем пад на АП во однос на групата со ОА.Количината на ординирани раствори во групата со ОА изнесуваше 1000-1500 мл, додека во групатасо СА беше во распон од 2000-2500 мл. Немаше сигнификантни разлики во срцевата фрекфенција и бројот на респирации, како и во SpO2. Заклучок: Компарирано со општата анестезија, спиналната анестезија има приоритет.