Ендофталмитиси

Abstract

Ендофталмитис е воспаление на внатрешните обвивки на окото, како резултат на интраокуларна колонизација на инфективни агенси, со ексудација во стаклестото тело и очната водичка. За постигнување на најоптимален исход по видната функција есенцијални се рана дијагноза и третман. Типот или категоријата на ендофталмитис влијаат врз клиничката презентација, микробиолошкиот наод и исходот по однос на видната функција. Во одредување на терапискиот пристап, потенцијалниот каузативен микроорганизам и степенот на окуларна инволвираност треба да ја одредат агресивноста на терапијата. Ендофталмитисот е една од најсериозните офталмолошки состојби, која бара итна медицинска помош и третман за да се спаси видот или да се спаси интегритетот на окото.