Реставрација или реконструкција – прашања и дилеми околу дистинкцијата на двата термини

Abstract

Трудот се занимава со дистинкцијата помеѓу поимите реставрација и реконструкција како термини со кои се означуваат одредени постапки, третмани т.е. интервенции во сферите на заштитата на културното наследство. Истражувањето започнува со анализата на значењето на латинските лексеми врз кои се базираат овие термини (reconstructio, restauratio). Како примери на различното разбирање на овие поими во стручната литература се посочуваат извадоци од трудовите на неколку автори. Предлозите за решение на овој проблем се разработуваат преку повеќе хипотетични модели т.е. ситуации илустрирани со конкретни примери, а пак дилемите – преку четири прашања и обиди за одговори на нив во кои се вклучени суштествените компоненти на двата посочени термини.