„Книгата како свет“: романескните онтостратегии на Митко Маџунков

Abstract

Поаѓајќи од теориските премиси за онтолошката доминанта на постмодернистичката проза, текстот има за цел да ги интерпретира манифестациите на оваа доминанта во романите Времето на ирвасите, Птиците од ланските гнезда и Правта на библиотеките на македонскиот писател Митко Маџунков. Интерпретативниот фокус е поставен на две рамништа: прво, врз толкувањето на репертоарот онтолошки теми што се артикулираат во романите, главно поврзани со игрите меѓу текстовите и световите што се проектирани во нив; второ, врз толкувањето на репертоарот постапки (метафикциски и интертекстуални) со коишто тие теми се поставени на преден план во романите.