Стресот кај родителите на ученици со интелектуална попреченост

Abstract

Истражувањето се изврши со цел да се согледа стресот кај родителите на ученици со интелектуална попреченост, поточно да се утврди нивото на стрес по повеќе параметри. Во теоретскиот дел се дефинирани и објаснети поимите стрес, семејство, интелектуална попрченост, стрес кај родители на ученик сo интелектуална попреченост, аутизам, задоволство од живот кај родители, деца со типичен развој, ученици со типичен развој. Според својот карактер, истражувањето што го спроведовме е квантитативно и квалитативно - дескриптивно. Поставена е една главна и неколку посебни хипотези, а како методи ги користевме дескриптивно-аналитичкиот метод и методот на теоретска анализа. Од техниките беше употребена анкета и анализа, а како инструмент беше користен стандардизиран прашалник за прибирање релевантни податоци и нивно анализирање. На крајот, во заклучокот се претставени сознанијата од ова истражување, а според тоа се дадени и препораки за кои мислиме дека ќе најдат соодветно место во креирањето на политиките во оштествениот систем и ќе помогнат за поуспешно справување со стресот.