Потребата од образованост за семејно живеење

Abstract

Сигурно е дека ќе биде потврден одговорот на прашањето дали има основа, односно потреба од образование и од образованост на членовите на семејството за нивното семејно живеење. Овој труд ќе ги обработува содржината, целите, формите, перспективите и можните резултати од образованоста за живеење во семејство и во дневниот тек на тоа живеење и во подолгорочно траење. Ќе се елаборираат можните процеси во образованието за сфаќањата, ставовите, однесувањето и вредностите на семејното живеење, потоа целите што се очекуваат и кои би се постигнале со тие образовни зафати, вредностите врз кои ќе се потпира тоа образование, како и формите и медиумите за реализација на ширењето на знаењата и идеите за семејниот живот. Појдовна основа ќе биде дека секоја генерација во семејството пренесува сознанија, ставови и принципи за семејното живеење на наредната генерација, но акцентот ќе биде ставен на природата и карактерот на тоа образование во услови на општи промени во опкружувањето на семејството и промените, предизвиците, дилемите во животот на самото семејство. Трудот ќе вклучува и најнепосредни предлози за придонес во образованоста за квалитетно, долгорочно и среќно семејно живеење.