Промоција на семејството во програмите на политичките партии

Abstract

Политичките партии во Република Македонија и во своите конститутивни акти - општи програмски документи и до изборните програми за одделни изборни циклуси, главно за општите парламентарни избори, извесен дел посветуваат на своите ставови, погледи и активности во однос на семејството, семејното живеење, статусот на семејството во општеството и за положбата на жената. Трудот ќе направи преглед на овие делови од програмите од основањето на политичките партии и нивното дејствување на политичката сцена во земјата, преку присуството на тие содржини во изборните програми и претпоследните и последните парламентарни избори во РМ. Посебен нагласок ќе биде ставен на документите на политичките партии кои се јавуваат како победници на изборите, а потоа и како носители на законодавната и извршната власт и на оние партии кои имаат учество во власта, како коалициони партнери на владејачките партии. Деловите од програмите кои се однесуваат на семејството и жената ќе бидат образложени, со извлечени основни ставови и ќе биде направена споредба на гледиштата на одделните партии.