Триесет години независност на Северна Македонија низ призмата на пристапувањето кон Европската Унија – критичка ретроспектива и погледи кон следните предизвици

Abstract

Повеќе од две третини од 30 го- дишната македонска историја на независност се обележани со: политичка, институционална и општествена заложба за интеграција со политичките, правните и економските стандарди на Европската Унија (ЕУ). Истовремено, македонскиот процес на пристапување кон ЕУ е еден од најтурбулентните во историјата на проширувањето на ЕУ. Процес кој е обележан со периоди на напредок, стагнација и фрустрација и кој, иронично, после скоро три децении се наоѓа пред, можеби, и најголемиот досегашен предизвик. Оттука, овој текст има за цел најпрвин да понуди една критичка ретроспектива на досегашните текови на пристапниот процес кон ЕУ, за потоа да се осврне на најважните предизвици и перспективи за блиската иднина.